चैत १२, २०८०
कात्तिक २२, २०७७
खोटाङ - खोटाङको केपिलासगढी गाउँपालिका- ३ बाँसपानीमा सडक मर्मत सुरु गरिएको छ । वडा कार्यालय बाँसपानीले वर्षाका कारण खाल्डाखुल्डी भएका, पहिरो गएका तथा ट्र्याक्टरका कारण बिग्रेका सडक मर्मत सुरु गरेको हो ।
वडा कार्यालयमार्फत बाक्सिला-ढोकाडाँडा हुँदै खार्ताम्छा जोड्ने शहीद मार्ग, बफ्लेबाट खार्ताम्छा पुग्ने आर्यन सडक, बाक्सिलाबाट खार्ताम्छा जोड्नेलगायतका सडक मर्मत सुरु गरिएको वडा अध्यक्ष खगेन्द्र गुरुङले बताए ।
वर्षाका कारण अवरुद्ध सडकलाई वडा कार्यालयबाट विनियोजित दुई लाख रुपैयाँ रकमबाट मर्मत सुरु गरिएको हो । कच्ची सडक पुगेका टोलमा हिउँदमा सवारी साधन सञ्चालन गर्न सकिनेगरी उपभोक्ता समितिमार्फत सडक मर्मत सुरु गरिएको वडा अध्यक्ष गुरुङले बताए ।
वर्षाका कारण बिग्रे-भत्केका सडक जेसीभी लगाएर १८ कात्तिकदेखि मर्मत सुरु गरिएको हो । सडक मर्मतको काम केही दिनभित्र पूरा हुने वडा कार्यालयले जनाएको छ । बाँसपानीका प्रायः सबै टोलमा कच्ची सडक पुगेको छ ।
‘वर्षा याममा पहिरोले बिग्रिएका, खाल्डाखुल्डी भएका र ट्र्याक्टरले बिगारेका सडक मर्मत सुरु गरिएको हो’, वडा अध्यक्ष गुरुङले भने, ‘कम्तीमा भएका सडकमा सवारी साधन सञ्चालन होस्, सवारी साधनमार्फत नै टोलमा पुग्ने वातावरण होस् भन्ने हाम्रो लक्ष्य हो ।’
चैत १९, २०८०
चैत १९, २०८०
चैत २२, २०८०
चैत १८, २०८०
