कात्तिक २२, २०७७
म्याग्दी– गत असारको पहिरोका कारण अति प्रभावित म्याग्दीको धवलागिरी गाउँपालिकाका पदाधिकारीले पुननिर्माण योजनाका बिषयमा प्रधानमन्त्री केपी शर्मा ओलीसँग छलफल गरेका छन् ।
गाउँपालिकाका अध्यक्ष थमसरा पुन, उपाध्यक्ष रेशम छन्त्याल र प्रतिनिधिसभा सदस्य तथा पुर्वमन्त्री थममाया थापाको टोलीले बालुवाटारमा प्रधानमन्त्री ओलीलाई भेटेर पहिरोले पु¥याएको क्षति र गाउँपालिकाको समस्याका बिषयमा जानकारी गराएका छन् ।
पहिरोका कारण घरबास गुमाएका नागरिकको पुर्नबास, जोखिमयुक्त बस्तीको स्थानान्तरण र क्षतिग्रस्त भौतिक संरचनाको पुननिर्माणका लागि बिशेष बजेट तथा योजनाको व्यवस्थापन गर्न प्रधानमन्त्रीको ध्यानाकर्षण गराएको उपाध्यक्ष छन्त्यालले बताए ।
उनका अनुसार आवास पुनर्निर्माणको लागि मात्रै करिब ८ करोड बढीको लागत अनुमान तयार गरिएको र संघीय सरकार मार्फत छिट्टै आबश्यक बजेट पठाउन प्रधानमन्त्रीलाई आग्रह गरिएको छ ।
टहरामा भएका नागरिकलाई सुरक्षित घरको छानोमुनी ल्याउन पालिकाको स्रोतले नथेग्ने भएकाले संघीय र प्रदेश सरकारको ध्यानाकर्षण गराइएको अध्यक्ष पुनले बताए । प्रधानमन्त्री ओलीले पुननिर्माणको कार्य म्याग्दीबाटै सुरु गर्ने सरकारले तयारी गरेको बताए ।
गत असारको पहिरोले यस गाउँपालिकाको मराङको रिख, राम्चे, कल्लेनी, ठूलोगाउँ र कुम्रीमा १९ जनाको मृत्यु तथा दुई जना बेपत्ता भएका थिए । पहिरोले वडा नम्बर ७ धारापानीको किसानी माविमा भवनहरु भत्कन थालेकाले सो विद्यालयलाई सुरक्षित स्थापनमा स्थानान्तरण गर्ने तयारी गरिएको छ ।
धवलागिरीको वडा नम्बर ६ मराङमा २४, वडा ७ ताकम, धारापानी, काफलडाडामा ३१ र ५ नम्बर वडा मल्कबाङमा ५ घर पूर्ण रुपमा क्षति भएको छ । गाउँपालिकाका अनुसार ६० घर पूर्ण, ७२ घर घर आंशिक क्षति भएका छन ।
जोखिमयुक्त सहित धवलागिरी गाउँपालिकाको १५ वटा बस्तीका २०९ घर पुननिर्माण र स्थानान्तरण गर्न सिफारिस भएको छ । गण्डकी प्रदेशका मुख्यमन्त्री पृथ्वीसुब्बा गुरुङ र जिल्लाबाट प्रतिनिधित्व गर्ने सासदलाई समेत यस अघि नै बजेट व्यवस्थापनका लागि छलफल गरिसकेको गाउँपालिकाले जनाएको छ ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
