कात्तिक २२, २०७७
ताप्लेजुङ– ताप्लेजुङको मैवाखोला गाउँपालिकाकी वडा सदस्य फुलमता बिकको शनिवार बिहान निधन भएको छ ।
मैवाखोला गाउँपालिका–१ ढुङ्गेसाँघुका दलित महिला सदस्य बिकको ४४ वर्षको उमेरमा निधन भएको हो । वडाध्यक्ष दुर्गाप्रसाद तामाङले प्रेसरको बिरामी भएकोले उपचार गर्न जान्छु भनेर बिराटनगरतर्फ गएको ३ दिनमै वडा सदस्य बिकको निधन भएको जानकारी दिए ।
प्रेसरको बिरामी भएर गएकी बिकको दुबै मृगौला फेल भएको अवस्थामा बिराटनगरस्थित नोबेल मेडिकल कलेजका चिकित्सकले उपचार थालेका थिए । तर अवस्था जटिल भएकोले बिकलाइ बचाउन नसकिएको जानकारी चिकित्सकले आफुहरुलाइ गराएको मृतक बिकका परिवारलाई उधृत गर्दै वडाध्यक्ष तामाङले बताए ।
२०७४ सालमा सम्पन्न स्थानीय तहको निर्वाचनमा उनी तत्कालीन नेकपा एमालेका तर्फबाट दलित महिला सदस्यमा निर्वाचित भएकी थिइन् ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
