पाँचथर - पाँचथरको फाल्गुनन्द गाउँपालिकाले राँके बजारमा कोभिड अस्पताल सञ्चालनमा ल्याएको छ ।
संघीय सरकारको हरेक स्थानीय तहमा कोभिड अस्पताल सञ्चालन गर्ने नीतिअनुरुप गाउँपालिकाले राँके बजारमा अस्पताल सञ्चालनमा ल्याएको हो ।
पाँच शय्याको कोभिड अस्पतालको गाउँपालिका अध्यक्ष वीरबहादुर कुरुम्बाङले उद्घाटन गरे ।
आईसियु र भेन्टिलेटर आवश्यक पर्नेबाहेक बिरामीलाई कोभिड अस्पतालमै उपचार गरिने प्रमुख प्रशासकीय अधिकृत निर्मल तुम्रोकले जानकारी दिए ।