चैत २४, २०८०
पुस ०८, २०७७
ताप्लेजुङ– प्रधानमन्त्री केपी ओलीले गरेको प्रतिनिधिसभा विघटनविरुद्ध विरोध प्रदर्शनमा उत्रिएको जनता समाजवादी पार्टीले ताप्लेजुङको फुङलिङमा प्रत्यक्ष निर्वाचित कार्यकारी राष्ट्रप्रमुख र पूर्ण समानुपातिक निर्वाचन प्रणालीको माग गरेको छ ।
प्रतिनिधिसभा विघटन असंवैधानिक भएको दाबी गर्दै जसपाले यहीँ बेला प्रत्यक्ष निर्वाचित कार्यकारी र पूर्ण समानुपातिक निर्वाचन प्रणालीको माग उठाएको हो ।
प्रत्यक्ष निर्वाचित कार्यकारी प्रमुख हुनुपर्ने माग गरेको जसपाले संसदीय निर्वाचन पनि पूर्ण समानुपातिक गर्नुपर्ने आवाज उठाएको छ ।
विरोध कार्यक्रममा जनता समाजवादीका जिल्ला अध्यक्ष कीर्तिमान मादेनले प्रतिनिधिसभा विघटन असंवैधानिक भएको बताए ।
‘हामीहरूले पहिलेदेखि नै प्रत्यक्ष निर्वाचित कार्यकारी र पूर्ण समानुपातिक निर्वाचन प्रणालीको माग गर्दै आएका छौँ । अब प्रतिनिधिसभा विघटनसँगै यो राजनीतिक मुद्दाले पनि स्थान पाएको छ’, उनले भने ।
चैत १९, २०८०
चैत १९, २०८०
चैत २२, २०८०
चैत १८, २०८०
