असोज ०२, २०७७
रुपन्देही - कञ्चन गाउँपालिकाले वैदेशिक रोजगारीबाट फर्केका युवालाई कृषिमा आत्मनिर्भर बनाउने उद्देश्यले मौसमी तरकारीको बिउ वितरण गरेको छ । कञ्चन गाउँपालिकाले भारत तथा तेस्रो मुलुकबाट आएका युवालाई कृषिमा आत्मनिर्भर बनाउने उद्देश्यले २ सय ५० जनालाई मौसमी तरकारीको बिउ वितरण गरेको हो ।
महामारीको मारमा परेर नेपाल फर्किएका युवाहरुलाई व्यावसायिक रुपमा तरकारी तथा कृषिमा आकर्षित गर्ने उद्देश्यले बिउ वितरण गरिएको गाउँपालिकाले जनाएको छ।
गाउँपालिकाले आव ०७६/७७ को विनियोजित बजेटबाट १ लाखभन्दा बढीको मौसमी तरकारीको बिउ वितरण गरिएको कञ्चन गाउँपालिकावडा–४ का वडा सदस्य केशरबहादुर खत्रीले जानकारी दिए । कार्यपालिका सदस्य गीता थापा गाउँपालिकाले युवा लक्षित विभिन्न तालिम सञ्चालन गर्दै आएकोले युवालाई व्यवसाय सञ्चालन गरेर उद्यमी बन्ने अवसर गाउँमै मिलेको बताउँछिन् ।
कञ्चन गाउँपालिका वडा–४ का वडाध्यक्ष दुर्गासिंह क्षेत्रीले वडा बासीलाई आत्मनिर्भर बनाउने उद्देश्यले मौसमी तरकारीको बिउ वितरण गरिएको बताए । ‘कृषिमा केही गर्नुपर्छ भन्ने सोच राखेर कृषिकर्म गरिरहेका युवाहरुकालागि यो अवसर पनि हो’, उनले भने ।
बिउ वितरण कार्यक्रममा कञ्चन गाउँपालिका अध्यक्ष गोकर्णबहादुर क्षेत्रीले गाउँपालिकाका युवाहरुलाई आधुनिक कृषि प्रणालीतर्फ अग्रसर भई व्यावसायिक बनाउने उद्देश्यले विभिन्न किसिमका तालिमपनि सञ्चालन गर्दै आएको जानकारी दिए ।
उनले भने, ‘गाउँमै कुखुरा, मौरी, पशु, माछापालन र च्याउखेती गर्नेलाई आवश्यक बिउ तथा प्राविधिक पनि उपलब्ध गराएका छौं ।’
फागुन २८, २०८०
फागुन २७, २०८०
फागुन २१, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
