बाग्लुङ- बाग्लुङ नगरपालिकाको आठौँ नगरसभा सुरु भएको छ । हिउँदे सभाका रूपमा लिइने नगरसभामा २ वटा प्रस्ताव प्रस्तुत भएका छन् ।
प्राकृतिक स्रोत तथा वातावरण संरक्षण ऐन बनाउन विधायन समितिले विधेयक नगरसभामा प्रस्तुत गरेको छ ।
संयोजक लक्ष्मी बाँस्कोटाले विधेयक प्रस्तुत गरेकी हुन् । त्यस्तै, हिउँदे सभामा बजेट र करमा संशोधन प्रस्तुत भएको छ ।
उपप्रमुख सुरेन्द्र खड्काले उक्त प्रस्ताव पेस गरेका हुन् । आठौँ नगरसभाको अर्को बैठक आगामी ९ माघका लागि बोलाइएको छ ।