माघ १३, २०७७
जुम्ला- जुम्लाको तिला गाउँपालिका - ७ गाेठीगाउँमक आगलागी भएको छ । जिल्ला प्रहरी कार्यालय जुम्लाले आगलागीबाट ३० वटा घर जलेर नष्ट भएको बताएको छ ।
डिएसपी माधव प्रसाद काफ्लेका अनुसार अहिले पनि आगलागी नियन्त्रणमा आउन सकेको छैन । उनले भने, `आगलागी भएको जानकारी प्राप्त गर्न वित्तिकै नेपाल प्रहरी, शसस्त्र र नेपाली सेनाको टोली घटना स्थलतर्फ पठाइएको छ ।´
प्रहरीका अनुसार तिला गाउँपालिकामा रहेको प्रहरी भने घटनास्थल तर्फ पुग्न लागेको छ । आगलागी भएको गाउँसम्म पुग्न जिल्ला सदरमुकामबाट गाडीमा ४५ मिनेटको दुरीमा गाउँपालिकाको केन्द्र र त्यहाँबाट हिडेर ३ घण्टा लाग्ने ठाउमा छ। । उक्त स्थान भौगोलिक रुपमा विकट रहेकोले सदरमुकामबाट गएको टोली बाटोमै छ ।
डिएसपी काफ्लेले भने, ‘हामीले जिल्लाबाट टोली पठाएका छौ । तीन वटै सुरक्षा निकायको टोली त्यसतर्फ प्रस्थान गरिसकेको छ।' स्थानीयले आगो निभाउने प्रयास गरिरहेका छन् । त्यहाँ पानीको पनि उपलब्धता नभएकोले पनि आगो नियन्त्रणमा ल्याउन समस्या भएको बुझिएको छ । आगलागीको कारण पनि पत्ता लागेको छैन , डिएसपी काफ्लेले भने , यता स्थानियका अनुसार त्यहाँका नागरिक वर्षमा ५ महिना मात्रै बसोबास गर्दछन् ।
काठैकाठको घरहरु बढिभएकोले आगलागी भएको आशंका गरिएको छ । आगलागी अझै नियन्त्रणमा आउन सकेको छैन । आगलागीबाट मानविय क्षती भने भएको छैन ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
