चैत २३, २०८०
माघ २५, २०७७
भक्तपुर– भक्तपुर नगरपालिकाले उच्च शिक्षा हासिल गर्न चाहने स्थानीयका लागि शैक्षिक कर्जाको उपलब्ध गराउने भएको छ । नगरले आर्थिक अभावका कारण उच्च शिक्षा अध्ययन अगाडि बढाउन नपाएका स्थानीयलाई लक्षित गरी उक्त कर्जा ल्याएको हो ।
नगरपालिकाका अनुसार इच्छुक व्यक्तिका लागि प्रतिव्यक्ति ५ लाख रुपैयाँसम्म शैक्षिक कर्जाको व्यवस्था गर्न सकिनेछ । त्यसका लागि इच्छुक व्यक्तिले वडा कार्यालयमा गई निवेदन दिनुपर्नेछ ।
नगर शिक्षा शाखा प्रमुख हरिप्रसाद निरौलाका अनुसार शैक्षिक कर्जाका लागि नगरले ५ करोड रुपैयाँ विनियोजन गरेको छ । यस आर्थिक वर्ष १ जना विद्यार्थीलाई कर्जा व्यवस्था गरिएको छ ।
उनका अनुसार कर्जा लिएका विद्यार्थीले पढाइ पूरा गरेपछि क्रमशः ब्याज तिरेर ऋण तिर्न सक्नेछन् । शैक्षिक कर्जाको सदुपयोग गर्न विद्यार्थीको नाममा नभई सम्बन्धित कलेज शैक्षिक संस्थामा उपलब्ध गराउने नगरपालिकाले जनाएको छ ।
प्रत्येक वडाका १० जना विद्यार्थी गरी १ जना विद्यार्थीलाई कर्जा दिने वडानम्बर १० का वडाध्यक्ष लक्ष्मीप्रसाद ह्यौमिखाले जानकारी दिए । उनले भने, ‘आर्थिक रूपमा कमजोर तर पढ्न इच्छुक विद्यार्थीलाई ऋण दिनेछौँ । प्रत्येक वडाबाट १० जना विद्यार्थीलाई छनोट गरी उनीहरूका लागि नगरपालिकामा सिफारिस गरी पठाउँछौँ ।’
मानविकी, शिक्षाशास्त्र, व्यवस्थापन संकायलगायत विभिन्न विषय पढ्न चाहने विद्यार्थीलाई शैक्षिक कर्जा व्यस्वथा गरिएको छ । तर, विदेशमा गएर पढ्न चाहने स्थानीयले उक्त कर्जा लिन पाउने छैनन् ।
चैत १९, २०८०
चैत १९, २०८०
चैत २२, २०८०
चैत १८, २०८०
