१) कैलालीकी अञ्जिता चौधरीको हत्या आशंकामा गौरीगंगा नगरपालिका–३ का वडा सदस्य निरज चौधरी पक्राउ, चौधरीविरुद्घ पीडित परिवारद्वारा आत्महत्या दुरुत्साहन मुद्दा दर्ता ।
२) पत्रकार डेकेन्द्रराज थापाको हत्यामा संलग्न फरार अभियुक्त १६ वर्षपछि दैलेखबाट पक्राउ, पक्राउ पर्नेमा महाबु गाउँपालिका–६ का ६८ वर्षीय जयबहादुर शाही ।
३) पाल्पाको रैनादेवी छहरा गाउँपालिका–४ मा रहेको एक फर्निचर उद्योगमा विद्युत् सर्ट भएर आगलागी, उद्योगमा रहेका मेसिन र फर्निचरलगायतका सामग्री जलेर नष्ट ।
४) चितवनको राप्ती नगरपालिकाद्वारा पशुपालक किसानका लागि एक दिने पशु स्वास्थ्य शिविर सम्पन्न, शिविरबाट किसान लाभान्वित ।
५) कास्कीको मादी गाउँपालिकाको केन्द्र सार्ने विवाद कायमै, कामकाज ठप्प, पालिकाको कार्यालय बन्द ।
६) काभ्रेको महाभारत र चौँरीदेउराली गाउँपालिकाले सोनाम ल्होछार अवसरमा सार्वजनिक बिदा दिने, २९ माघदेखि १ फागुनसम्म पालिका र मातहतका कार्यालय बन्द हुने ।
७) सिन्धुपाल्चोकको सुनकोशी गाउँपालिका–२ ठोकर्पामा डिप बोरिङ ट्यांकी निर्माण हुने, पालिकाका अध्यक्ष श्रवणकुमार जिसीले गरे शिलान्यास ।
८) बाराको महागढीमाई नगरपालिका–१ की ४८ वर्षीया कान्तिदेवी कुशवाहको आफ्नै घरमा हत्या भएको अवस्थामा शव फेला, प्रादेशिक प्रहरी कार्यालयबाट तालिमप्राप्त कुकुर ल्याएर प्रहरीले अनुसन्धान अघि बढायो ।
९) रौतहटको गौर नगरपालिकाको आर्थिक सहयोगमा बिपीचोकमा स्मृति टावर बन्ने, नगरप्रमुख अजय गुप्ताले गरे टावरको शिलान्यास ।
१०) रामेछाप नगरपालिकाको आयोजनामा आधुनिक उत्पादनमुखी विकास अवधारणा, मोडल र भूमिकासम्बन्धी दुई दिने तालिम सुरु, तालिममा ९ वटै वडाको मेलमिलाप संयोजकलगायतको सहभागिता ।
११) दाङको राप्ती गाउँपालिकाको सातौं गाउँसभा सुरु, सभाले गर्ने भयो विभिन्न निर्णय ।
१२) लघु उद्यम विकास कार्यक्रमअन्तर्गत बाराको करैयामाई गाउँपालिकाको आयोजनामा महिला लक्षित अभिमुखीकरण कार्यक्रम, गरिबी निवारणका लागि पालिकाले कार्यक्रम सञ्चालन गर्ने ।
१३) दाङको तुलसीपुर उपमहानगरपालिकाले सञ्चालन गरेको मेट्रो कलेजमा बीएएलएलबी पढाइ हुने, पढाइका लागि लुम्बिनी बौद्ध विश्वविद्यालयसँग सम्झौता गरी पालिकाले प्रक्रिया अघि बढायो ।
१४) बैतडीको दोगडाकेदार गाउँपालिका–७ की १७ वर्षीया भागरथी भट्टको बलात्कारपछि हत्या गरिएपछि दोषीलाई कारबाहीको माग गर्दै बैतडीसहित देशभर प्रदर्शन, दोषी पक्राउ नपरेसम्म शव नबुझ्ने परिवारको अडान ।
१५) रामेछाप नगरपालिकाद्वारा पालिकाका विद्यार्थीलाई लक्षित गरी लोकसेवा शिक्षा कक्षा सञ्चालन, कक्षा १५ दिनसम्म चल्ने ।
१६) बर्दियाको ठाकुरबाबा नगरपालिकाका भूमिहीन, सुकुम्बासी तथा अव्यवस्थित बसोबासीको लगत संकलन सुरु, ९ वटै वडामा लगत संकलनका लागि टोली परिचालन ।
१७) मोरङको विराटनगर महानगरपालिका–५ बाट १० लाख रुपैयाँ बराबरको नेपालमा प्रतिबन्धित विभिन्न ब्रान्डका औषधी प्रहरीद्वारा बरामद, अनुसन्धानका लागि औषधी रेखदेख गर्ने २ जना प्रहरीको नियन्त्रणमा ।
१८) म्याग्दीको बेनी नगरपालिकाको आठौँ नगरसभा सम्पन्न, सभाबाट संशोधित बजेट र वातावरण विधेयक पारित ।
१९) कैलालीको धनगढी उप–महानगरपालिकाद्वारा रेबिज रोग रोकथामका लागि सामुदायिक कुकुर बन्ध्याकरण तथा रेबिजविरुद्ध खोप शिविर आयोजना, शिविर अझै दुई दिनसम्म चल्ने ।
२०) र, बाँकेको कोहपुर नगरपालिकाद्वारा ज्येष्ठ नागरिकलाई न्यानो कपडा र कम्बल वितरण ।