माघ २८, २०७७
खोटाङ– खोटाङको जन्तेढुंगा गाउँपालिकाले वर्षमा २५ वटा बढी खसी बिक्री गर्ने किसानलाई नगद पुरस्कार दिने कार्यक्रम ल्याएको छ ।
सोमबार सम्पन्न गाउँपालिकाको आठौा गाउँसभाले आफ्नै मिहिनेतमा वार्षिक २५ वटा बढी खसी पालेर बिक्री गर्ने किसानलाई जनही ५० हजार रुपैयाँका दरले नगद पुरस्कार दिने निर्णय पारित गरेको हो ।
गाउँपालिकाको अधिकांश भूभागमा खसीबाख्रापालनका लागि उपयुक्त हावापानी भएकाले गाउँसभाबाट किसानलाई प्रोत्साहनका कार्यक्रम ल्याइएको जन्तेढुंगा गाउँपालिकाका प्रमुख प्रशासकीय अधिकृत गिरिराज भट्टराईले बताए ।
जन्तेढुंगाका ६ वटै वडामा खसीबाख्रापालन हुँदै आएको छ । खसीपालनबाट किसानको आर्थिक समृद्धिमा टेवा पु¥याउन सकिने सम्भावना भएकाले गाउँसभाले चालू आर्थिक वर्षबाटै खसीपालकको प्रोत्साहनका लागि कार्यक्रम लागू गरिएको बताएको छ ।
गाउँपालिका अध्यक्ष शंकर राईको अध्यक्षतामा भएको गाउँसभामा आर्थिक वर्ष २०७७/०७८ मा ३० प्रतिशत भौतिक प्रगति भएको जानकारी दिइयो ।
चैत २२, २०८०
फागुन ३०, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
