फागुन ०८, २०७७
काठमाडौं- नेपाल-बंगलादेश बैंकको चावहिल शाखाले काठमाडौं महानगरपालिका वडा नम्बर ७ स्थित चन्द्रविनायक पार्क व्यवस्थापन समाजमा रहेका तरकारी, फलफूल तथा कपडा पसलमा क्यूआर कोडको माध्यमद्वारा भुक्तानी सेवा सुरु गरेको छ ।
नगदरहित कारोबारलाई प्रवर्द्धन गर्ने राष्ट्र बैंकको नीतिलाई सफल बनाउने उद्देश्यले बैंकले एफवान सफ्टसँगको सहकार्यमा क्यूआर कोडको माध्यमद्वारा गरिने भुक्तानी सेवा सुरु गरेको हो ।
कार्यक्रमको उद्घाटन राष्ट्र बैंकका डेपुटी गभर्नर चिन्तामणि सिवाकोटीले सो एरियाका व्यापारीलाई क्यूआर कोड वितरण गरी सुरु गरेका थिए ।
डेपुटी गभर्नर सिवाकोटीले विभिन्न तरकारी खरिद गरी क्यूआर कोडको माध्यमद्वारा भुक्तानी पनि गरेका थिए । सिवाकोटीले डिजिटल प्रविधिको माध्यमबाट सुरक्षित तरिकाले नगदरहित कारोबार गर्दा हुने फाइदाबारे जानकारी दिए ।
उनले भने, ‘बैंकले साना तथा महिला उद्यमीलाई प्रदान गर्ने सहुलियतपूर्ण कर्जा उपयोग गरी आफ्नो व्यवसाय विस्तार गर्नुपर्छ ।’
कार्यक्रममा बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले बैंकले प्रदान गर्ने सेवा-सुविधाबारे जानकारी गराए । ग्राहक तथा व्यापारीको सुविधालाई ध्यानमा राखी उक्त स्थानमा वल्र्डलिंक कम्युनिकेसनसँगको सहकार्यमा निःशुल्क वाईफाई पनि जडान गरिएको बैंकले जनाएको छ ।
हाल बैंकले ९९ शाखा, ७ एक्सटेन्सन काउन्टर तथा ८२ एटिएमबाट बैंकिङ सेवा दिँदै आएको छ ।
फागुन १७, २०७८
फागुन १४, २०७८
चैत १९, २०८०
चैत १९, २०८०
चैत २२, २०८०
चैत १८, २०८०
