चैत ०१, २०७७
रूपन्देही- रूपन्देहीमा दोस्रो चरणको कोरोनाविरुद्धको खोप पहिलो चरणमा ८ पालिकामा १६ हजार १ सय ६० जनालाई दिइएको छ । २६ हजार ८ सय २१ लक्ष्य भए पनि १६ हजार १ सय ६० जना अर्थात् (६० दशमलव २५) प्रतिशतलाई लगाइएको हो ।
जिल्ला स्वास्थ्य कार्यालय रूपन्देहीका प्रमुख डा. राजेन्द्र गिरीका अनुसार बुटवल उपमहानगरमा ४७ सय १४, सैनामैनामा २५ सय १०, कञ्चनमा १२ सय १०, मायादेवी गाउँपालिकामा १५ सय ९५, गैडहवामा २ हजार ३९, सिद्धार्थ नगरपालिकामा १३ सय ४२ ले कोरोनाविरुद्धको खोप लगाएका छन् ।
यस्तै, सियारी गाउँपालिकामा १५ सय ११, शुद्धोधन गाउँपालिकामा ११ सय ७५ गरी १६ हजार १ सय ६० जना ६५ वर्षभन्दा माथिका नागरिकले कोरोनाविरुद्धको खोप लगाएका छन् ।
जिल्ला स्वास्थ्य कार्यालय रूपन्देहीका अनुसार रूपन्देहीका १६ पालिकामा रहेका ६५ वर्षभन्दा माथिका ५२ हजार ६ सय ८७ जनालाई २ चरणमा कोरोनाविरुद्धको खोप लगाइने भएको छ ।
कार्यालय प्रमुख डा. गिरीका अनुसार १६ वटा स्थानीय तहमा २ चरणमा खोप लगाइने र त्यसका लागि ८३ खोप केन्द्र, ५ सय ५८ स्वास्थ्यकर्मी र २ सय ४६ स्वयंसेवक परिचालन गरिएको छ ।
डा. गिरीले स्वास्थ्य केन्द्रमा खोप लगाउनेलाई अभिमुखीकरण गरिएको बताए । उनले विभिन्न चरण स्वास्थ्यकर्मीदेखि सञ्चारकर्मीसँग अभिमुखीकरण गरिएको जानकारी दिए ।
‘खोप लगाएपछि हुन सक्ने अवान्छित घटनालाई लक्षित गर्दै १६ वटै पालिकामा चिकित्सकसहितको टोली व्यवस्थापन गरिएको छ’, डा. गिरीले भने ।
पहिलो चरणको खोप लगाएको १० देखि १२ साताको फरकमा दोस्रो खोप लगाउनुपर्ने भएकाले वैशाखमा १४ हजार २ सय ९७ जना र दोस्रो चरण जेठमा लगाउन आग्रह गरे ।
पालिकामा अनुगमन गर्न पालिका प्रमुख, वडाध्यक्ष, प्रमुख प्रशासकीय अधिकृत र जिल्ला खोप समन्वय तथा खोप समितिलाई अनुगमन, सुपरीक्षण र सहजीकरणको व्यवस्था मिलाइएको डा. गिरीले जानकारी दिए ।
दोस्रो चरणमा रूपन्देहीका पालिकामा १ देखि ३ चैतसम्म खोप लगाउन सुरु गरिएको छ ।
१ देखि ३ चैतसम्म कोरोनाविरुद्धको खोप लगाउने पालिका
तिलोत्तमा नगरपालिका
देवदह नगरपालिका
ओमसतिया गाउँपालिका
लुम्बिनी सांस्कृतिक नगरपालिका
कोटहीमाई गाउँपालिका
मर्चवारी गाउँपालिका
सम्मरीमाई गाउँपालिका
रोहिणी गाउँपालिका
लुम्बिनी प्रदेशका ३ वटा अस्पतालमा ५० प्रतिशत छुट
लुम्बिनी प्रदेशका ३ अस्पतालबाट ६० वर्षमाथिका ज्येष्ठ नागरिकले उपचार तथा स्वास्थ्य सेवामा ५० प्रतिशत छुट पाउने भएका छन् ।
स्वास्थ्य तथा जनसंख्या मन्त्रालयले जारी गरेको जेरियाट्रिक (ज्येष्ठ नागरिक) स्वास्थ्य सेवा सञ्चालन निर्देशका, २०७७ ले ज्येष्ठ नागरिकलाई अस्पताल व्यवस्थापनबाट तोकिएबमोजिमका निश्चित सेवामा ५० प्रतिशत छुट दिनुपर्ने व्यवस्था गरेअनुसार लुम्बिनी प्रदेशका ३ अस्पतालमा उपचार गराउँदा छुट दिइन लागेको हो ।
लुम्बिनी प्रादेशिक अस्पताल बुटवल, राप्ती स्वास्थ्य विज्ञान प्रतिष्ठान घोराही दाङ र भेरी अस्पताल नेपालगञ्ज बाँकेबाट यो सेवा पाइने भएको हो ।
स्वास्थ्य तथा जनसंख्या मन्त्रालयले ७० वर्षमाथिका ज्येष्ठ नागरिकको स्वास्थ्य बिमा गरेको भए सोही बिमा रकमबाट स्वास्थ्योपचार प्रदान गर्नुपर्ने र बिमा रकम अपुग भएको अवस्थामा मात्र अस्पतालको जेरियाट्रिक स्वास्थ्य सेवा कार्यक्रम वा सामाजिक सेवा इकाइ वा अन्य स्रोतबाट उपचार खर्च बेहोर्नुपर्ने निर्देशिकामा उल्लेख छ ।
तर, एउटै सेवाका लागि खर्च दोहोर्याउन भने पाइने छैन । अस्पतालले उपलब्ध गराएको वार्ड वा शय्या प्रयोग नगरी प्राइभेट वार्ड वा क्याबिनमा बसी उपचार गराउँदा लागेको खर्चमा कुनै छुट सुविधा हुने छैन ।
छुट पाउने अस्पताल
लुम्बिनी अस्पताल बुटवल, रूपन्देही
राप्ती स्वास्थ्य विज्ञान प्रतिष्ठान, घोराही, दाङ
भेरी अस्पताल नेपालगञ्ज, बाँके
चैत १२, २०८०
फागुन २९, २०८०
फागुन २८, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
