चैत २५, २०७७
खोटाङ- खोटाङको दिप्रुङ चुइचुम्मा गाउँपालिकाले आगलागी र हावाहुरीपीडितलाई राहत वितरण गरेको छ ।
जंगलमा लागेको डढेलो गाउँ पस्दा घर गुमाएका दिप्रुङ चुइचुम्मा वडा नम्बर २ ओख्रे डाँडागाउँका नैनबहादुर विश्वकर्मा र हावाहुरीबाटपीडित वडा नम्बर १ याम्खा खामडाँडाका अर्जुन भुजेललाई राहत प्रदान गरिएको हो ।
गाउँपालिका अध्यक्ष भूपेन्द्र राईले आगलागीपीडित विश्वकर्मालाई ३५ हजार र हावाहुरीपीडितलाई २० हजार रुपैयाँ राहत प्रदान गरेका हुन् । प्रकोपपीडितलाई घरैमा पुगेर राहत प्रदान गरिएको गाउँपालिकाले जनाएको छ ।
बालुङ सामुदायिक वनमा लागेको डढेलो बस्तीमा पस्दा विश्वकर्माको २१ चैतमा घर जलेको थियो । ढुंगामाटोको ३ तले घर जल्दा उनको करिब साढे ७ लाख रुपैयाँ बराबरको क्षति भएको प्रहरी चौकी याम्खाले जनाएको छ ।
घर जलेपछि नैनबबहादुरका ७ जना परिवारको विचल्ली भएको छ । यस्तै, १७ चैतको हावाहुरीले भुजेलको घरको छाना उडाएको थियो ।
चैत ०६, २०८०
फागुन ३०, २०८०
फागुन २९, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
