बैशाख ०६, २०७८
ताप्लेजुङ- ताप्लेजुङको फुङ्लिङ नगरपालिकाले किसानलाई भेडाको बच्चा (पाठापाठी) वितरण गरेको छ ।
मासु, ऊन र मलको उत्पादन गर्न सकिने बहुउपयोगी घरपालुवा पशुको रूपमा रहेको भेडापालनलाई प्रवर्द्धन गर्ने उद्देश्यले फुङ्लिङले किसानलाई भेडा वितरण गरेको हो ।
फुङ्लिङले चालू आर्थिक वर्षमा भेडा प्रवर्द्धन कार्यक्रमअन्तर्गत बजेट व्यवस्था गरेरै नगरभित्रका किसानलाई भेडा वितरण गरेको हो ।
नगरपालिकाका उपप्रमुख बमबहादुर भट्टराईका अनुसार वडा नम्बर ८ दोखु चारपाटेका किसानलाई भेडाका पाठापाठी वितरण गरिएको छ । नगरपालिकाको ७५ प्रतिशत रकम अनुदानमा चारपाटेका किसानलाई ५८ वटा भेडा वितरण गरिएको उपप्रमुख भट्टराईले बताए ।
पछिल्लो समय किसानले भेडापालन व्यवसाय छाड्दै गएपछि बहुउपयोगी भेडा लोप हुने अवस्था आएकाले नगरपालिकाले योजनामा समावेश गरेरै किसानलाई पाठापाठी वितरण गरेको भट्टराईको भनाइ छ ।
किसानलाई वितरण गरिएको भेडाको पाठापाठी खरिदका लागि ६ लाख रुपैयाँ अनुदान रकम नगरपालिकाले उपलब्ध गराएको र लागत रकमको २५ प्रतिशत किसान आफैंले बेहोरेको प्रमुख प्रशासकीय अधिकृत बद्रीकुमार कार्कीले जानकारी दिए ।
चैत २२, २०८०
फागुन ३०, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
