चैत २३, २०८०
बैशाख ०७, २०७८
माडी(चितवन)- चितवनको माडी नगरपालिकामा नयाँ प्रमुख प्रशासकीय अधिकृतको रूपमा सरुवा भई आउन लागेका अर्जुन गौतमको कार्यकाल सुरु नहुँदै विवादमा परेको छ ।
दोलखास्थित जिरी नगरपालिकाबाट माडीको प्रमुख प्रशासकीय अधिकृतका रूपमा सरुवा भएका गौतमलाई पदस्थापन गराउने कि नगराउने विषयमा नगरपालिकाभित्रै विवाद देखिएको हो ।
नगरपालिकाभित्र नेकपा माओवादी केन्द्र र एमालेको माधव नेपाल पक्षीय जनप्रतिनिधि हालका प्रमुख प्रशासकीय अधिकृत पुष्पराज ढकालकै निरन्तरताको पक्षमा देखिएका छन् ।
एमालेको ओली पक्षीय र कांग्रेसबाट निर्वाचित जनप्रतिनिधि नयाँ प्रमुख प्रशासकीय अधिकृतले पत्र बुझिसकेकाले पदस्थापन हुनुपर्ने पक्षमा छन् ।
विवादकै बीच माडी वडा नम्बर ५ का वडाध्यक्ष रामबन्धु पोखरेलले नगरपालिका उपप्रमुख ताराकुमारी काजी महतोलाई फोन गरी गालीगलैज गरेको आरोप लागेको छ ।
नयाँ प्रमुख प्रशासकीय अधिकृत गौतमलाई माडी ल्याउन चालक र गाडी पठाएकामा पोखरेलले अपशब्द प्रयोग गरी हाजिर गराउन नदिने भन्दै धम्की दिएको उपप्रमुख महतोले बताइन् ।
यस विषयमा त्रिपक्षीय छलफल गर्ने भनी नगरप्रमुख ठाकुर ढकालले आश्वासन दिए पनि बेवास्ता भएको महतोले जानकारी दिइन् ।
सोमबार दिनभर कार्यकक्षमै रहे पनि नगरप्रमुखले आफूसँग कुनै छलफल नगरेको उनको गुनासो छ ।
चैत १९, २०८०
चैत १९, २०८०
चैत २२, २०८०
चैत १८, २०८०
