बैशाख १९, २०७८
कञ्चनपुर- कञ्चनपुरको वेदकोट नगरपालिकाले महाकाली अस्पताललाई स्वास्थ्य सामग्री खरिदका लागि १० लाख रुपैयाँ आर्थिक सहयोग गरेको छ ।
नगरप्रमुख अशोक चन्दले अस्पताल व्यवस्थापन समितिका अध्यक्ष कृष्णदत्त जोशीलाई सहयोग रकमको चेक हस्तान्तरण गरेका हुन् । कोरोना महामारी नियन्त्रणका लागि अत्यावश्यक स्वास्थ्य सुरक्षा सामग्री, अक्सिजन, भेन्टिलेटरलगायत खरिद गर्न वेदकोटले आर्थिक सहयोग गरेको हो ।
चेक हस्तान्तरण गर्दै नगरप्रमुख चन्दले कोरोना महामारी नियन्त्रणका लागि पाालिकाका तर्फबाट सहयोग गरिएको बताए । अस्पताल व्यवस्थापन समितिका अध्यक्ष कृष्णदत्त जोेशीले पालिकाबाट भौतिक, आर्थिक एवं नैतिक सहयोगको अपेक्षा गर्दै महाकाली अस्पतालममा कोरोना रोकथामका लागि प्रयास आवश्यक रहेकामा जोड दिए ।
अस्पतालमा अक्सिजनलगायत स्वास्थ्य उपकरण अभाव भइरहेका बेला पालिकाबाट पाइएको सहयोगले केही राहत पुगेको उनको भनाइ छ ।
यसैगरी भीमदत्त नगरपालिककाले समेत अक्सिजन खरिदका लागि अस्पताललाई २० लाख रुपैयाँ दिने घोषणा गरेको छ । कोरोनाको चेन तोड्न पालिकाले महाकाली अस्पतालसँग सहकार्य गरिरहेका छन् ।
फागुन २८, २०८०
फागुन २७, २०८०
फागुन २१, २०८०
चैत १९, २०८०
चैत १९, २०८०
चैत २२, २०८०
