जेठ १२, २०७८
भक्तपुर– कोरोना संक्रमित बिरामीका लागि अक्सिजन उत्पादन गर्न लागेको भक्तपुर नगरपालिकाले करिब ६३ लाख रुपैयाँको सहयोग पाएको छ । नगरभित्र सञ्चालित सहकारी संस्था तथा स्थानीयले उक्त सहयोग गरेका हुन् ।
नगरपालिकाद्वारा सञ्चालित ख्वप अस्पतालमा अक्सिजन प्लान्ट सञ्चालनका लागि तयारी गर्दै आएको छ । करिब १ महिनाभित्र प्लान्ट सञ्चालन भएपछि अक्सिजन उत्पादन हुने विश्वास नगरपालिकाको छ ।
प्लान्टका लागि नगरप्रमुख सुनील प्रजापतिले नगरभित्र सञ्चालित सहकारी संस्थाहरूलाई सहयोगका लागि अपिल गरेका थिए । सोही आधारमा नगरपालिकालाई सहयोग जुटिरहेको हो ।
१ सातामा मात्रै नगरपालिकाले ६३ लाख ३७ हजार ६ सय ९८ रुपैयाँ संकलन भएको बताएको छ । यो सहयोग केही संस्थागत रूपमा आएको हो भने केही व्यक्तिगत । मनकारीहरूले १ हजारदेखि १० लाख रुपैयाँसम्म सहयोग दिएको नगरपालिकाले बताएको छ ।
नगरपालिकामा स्थापित प्रकोप व्यवस्थापन कोषमा आइतबार मात्र ३० लाख १० हजार १ सय ६ रुपैयाँ सहयोग प्राप्त भएको थियो । मंगलबारसम्म ६३ लाख ३७ हजार ६ सय ९८ रुपैयाँ संकलन भएको छ ।
चैत १२, २०८०
फागुन २९, २०८०
फागुन २८, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
