जेठ १२, २०७८
भक्तपुर- भक्तपुरको चाँगुनारायण नगरपालिकाले घुम्ती शिविरमार्फत ¥यापिड एन्टेजिन टेस्ट गर्दै आएको छ । नगरभित्रका समुदाय कोरोना भाइरस फैलन नदिने उद्देश्यले नगरपालिकाले परीक्षण गर्दै आएको हो ।
नगरपालिकाका अनुसार कोरोनाको हट स्पट बनेको समुदायमा घुम्ती शिविर सञ्चालन गरिँदै आएको छ । स्वास्थ्य शाखा प्रमुख सत्यकुमार दुवालका अनुसार प्रभावित क्षेत्रमा थप कोरोना फैलन नदिन परीक्षणलाई जोड दिइएको हो ।
संक्रमण फैलिएको वा फैलिएको आशंका रहेको समुदायमा आवश्यक तयारीसहित परीक्षण गर्दै आएको उनले बताए । ‘परीक्षण गरेको केही समयमा रिपोर्ट दिनुका साथै आशंकितलाई होम आइसोलेसन वा आइसोलसनमा राख्दै आएका छौँ’, दुवालले भने ।
नगरभित्र सोचेभन्दा धेरै संक्रमितको संख्या बढेको उनको भनाइ छ । परीक्षण गरिएकामध्ये ५० देखि ६० प्रतिशतसम्ममा कोरोना संक्रमण देखिएको उनले जानकारी दिए । सरकारले निषेधाज्ञा जारी गरे पनि पूर्ण रूपमा लागू नहुनु र संक्रमित आफैं खुलेआम हिँडडुल गर्नाले संक्रमणलाई फैलनबाट रोक्न नसकिएको उनको अनुभव छ ।
समुदायमा गई परीक्षण गर्दै आएको नगरपालिकाले लक्षण देखिएका तर नेगेटिभ रिपोर्ट आएकालाई पनि पुनः स्वाब परीक्षण गर्दै आएको छ ।
फागुन २८, २०८०
फागुन २७, २०८०
फागुन २१, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
