चैत १९, २०८०
साउन १२, २०७८
रूपन्देही- लुम्बिनी प्रदेश सरकारका प्रवक्ता बैजनाथ चौधरीले सरकारले विश्वासको मत लिने बताएका छन् ।
मंगलबार मन्त्रिपरिषद् बैठकले गरेका निर्णय सार्वजनिक गर्ने क्रममा आर्थिक मामला तथा योजनामन्त्री चौधरीले उक्त जानकारी दिएका हुन् ।
विपक्षी दलले सरकार अल्पमतमा परेको र अवैधानिक रहेको आरोप लगाइरहेकाले सरकारले विश्वासको मत लिएर वैधानिक बन्ने उनको भनाइ छ ।
मन्त्री चौधरीले जनता समाजवादी पार्टीको आधिकारिकता उपेन्द्र यादव पक्षले पाए पनि प्रदेश सरकारलाई फरक नपर्ने दाबप् गरे ।
जसपाकी सांसद पुर्मति ढेंगा मगरलाई सत्तापक्षले नलुकाएको दाबी गर्दै मन्त्री चौधरीले सरकार गैरसंसदीय खेलमा नलाग्ने ठोकुवा गरे ।
यसैबीच लुम्बिनी प्रदेश सरकारले बालविवाह अन्त्यका प्रदेश रणनीति स्वीकृति प्रदान गरेको छ । यस्तै, प्रदेश खेलकुद विकास नियमावली, २०७८ स्वीकृत गर्ने निर्णय गरेको प्रवक्ता चौधरीले बताए ।
चैत १९, २०८०
चैत १९, २०८०
चैत २२, २०८०
चैत १८, २०८०
