चैत २३, २०८०
साउन १६, २०७८
रूपन्देही– पाल्पाको बगनासकाली गाउँपालिकामा नयाँ प्रमुख प्रशासकीय अधिकृतका रूपमा विष्णु घर्तीलाई स्वागत गरिएको छ । गुल्मीको इस्मा गाउँपालिकाबाट आएका घर्तीलाई गाउँपालिका अध्यक्ष कृष्णप्रसाद बस्याल र उपाध्यक्ष सरस्वती चिदीले पाल्पाली ढाकाटोपीसहितको स्वागत गरे ।
अध्यक्ष बस्यालले नयाँ प्रमुख प्रशासकीय अधिकृतलाई सबै जनप्रतिनिधिले कार्य सम्पादनमा सहज वातावरण बनाउने विश्वास दिलाए । बगनासकाली सुगम र धार्मिक पर्यटनको सम्भावनायुक्त पालिका भएकाले जनप्रतिनिधि र कर्मचारीको सहकार्यबाट मात्र गाउँपालिकाको विकास सम्भव हुने बताए ।
प्रमुख प्रशासकीय अधिकृत घर्तीले आफ्नो अनुभव र क्षमतालाई गाउँपालिकाको समग्र विकास र सेवा प्रवाहमा खर्चिने प्रतिबद्धता जनाए ।
यसअघिका प्रमुख प्रशासकीय अधिकृत सुरेश घिमिरे प्रधानमन्त्रीको कार्यालयमा सरुवा भई गएपछि गुल्मीको इस्माबाट सरुवा भई नयाँ प्रमुख प्रशासकीय अधिकृतको रूपमा घर्ती आएका हुन् ।
सोमबार घिमिरेको बिदाइ र बिहीबार घर्तीको सम्मानमा गाउँपालिकाले कार्यक्रम आयोजना गरेको हो । प्रमुख प्रशासकीय अधिकृत घिमिरेले गाउँपालिकामा आउँदा जनप्रतिनिधि र कर्मचारीको समन्वयले आफूलाई थप परिपक्व बनाएको सुनाए ।
चैत १९, २०८०
चैत १९, २०८०
चैत २२, २०८०
चैत १८, २०८०
