नवलपरासी– बर्दघाट नगरापालिकाका नगर प्रमुख धीरज शर्मा बस्याललाई कोरोेना संक्रमण पुष्टि भएको छ । उनले नेशनल ल्याब बुटवलमा सोमवार कोरोना परिक्षण गराएका थिए ।
लगातार रुघा खोकी र ज्वरो आएपछि पिसिआर परिक्षण गरिएको र परिक्षणमा कोरोना पोजिटिभ देखिएको नगर प्रमुख बस्यालले बताए । बस्यालले कोरोना संक्रमणबाट बच्न नगरवासीलाई आग्रह समेत गरे ।
साथै आफूसँग प्रत्यक्ष सम्पर्कमा रहेकाहरुलाई कोरोनाको लक्षणहरु देखिएमा नगरपालिकाको स्वास्थ्य शाखामा सम्पर्क गर्न नगर प्रमुख बस्यालले अनुरोध गरे । संक्रमित प्रमुख बस्याल अहिले होम आइसोलेशनमा छन् । अवस्था भने सामान्य रहेको छ ।