चैत १२, २०८०
असोज ३०, २०७७
ताप्लेजुङ– ताप्लेजुङको मेरिङ्देन गाउँपालिका–५ थुकिमा–चाँगा हुदै मिक्वाखोला गाउँपालिका–५ पापुङको तोक्पेगोलाबाट चीनको स्वशासित क्षेत्र तिब्बत सीमा जोड्ने सडकको स्तरोन्नति तथा विस्तारको लागि सर्बे कार्य सुरु भएको छ ।
चालू आर्थिक बर्षमा प्रदेश १ सरकार, मेरिङ्देन गाउँपालिकाको समपूरक कोष ५० लाख र सडक पूर्वाधार विकास कार्यक्रमको ४० लाख गरी ९० लाख रुपैंयाको बजेटबाट यो कार्य भइरहेको मेरिङ्देन गाउँपालिकाका प्रवक्ता सूर्यमान बराइलीले जानकारी दिए ।
बिस्तृत परियोजना प्रतिबेदन(डिपीआर)तयार भएपछि सुरु हुने सडक निर्माण कार्यले निर्वाचन क्षेत्र १(ख) अर्थात तमोर पारीको सडकले पनि चीनको सीमा क्षेत्र छुने उनले जानकारी दिए ।
अहिले निर्वाचन क्षेत्र १(क) अर्थात तमोर वारीको उत्तर–दक्षिण ओलाङ्चुङगोला लोकमार्गमार्फत चीनको स्वशासित क्षेत्र तिब्बतको सीमा क्षेत्र टिपातालासम्म सडक सञ्जाल जोडिने प्रकृयामा छ । लेलेप–गोला सडक खण्डको करिव ५ किलोमिटर ट्रयाक खुलेमा यो सडक सञ्जाल टिपताला सम्मको सडक सञ्जालमा जोडिने छ ।
चैत १९, २०८०
चैत १९, २०८०
चैत २२, २०८०
चैत १८, २०८०
