भदौ १४, २०७८
ताप्लेजुङ– गत माघ दोस्रो साता कोरोनाविरुद्धको कोभिडसिल्डको पहिलो मात्रा लगाएका ताप्लेजुङबासीलाई १६ देखि २० भदौसम्म दोस्रो मात्रा लगाइने भएको छ ।
जिल्ला खोप अनुगमन तथा समन्वय समितिको आइतबारको बैठकले कोभिडसिल्डको पहिलो मात्रा लगाएका तर दोस्रो मात्रा लगाउन बाँकी रहेका १२ हजार ३२ जनालाई लगाउने निर्णय लिएको हो ।
प्रमुख जिल्ला अधिकारी तथा जिल्ला खोप अनुगमन तथा समन्वय समितिका अध्यक्ष उमेश पाण्डेका अनुसार कोभिडसिल्डको पहिलो मात्रा लगाएकालाई भुटान र जापान सरकारको कोभ्याक्स सुविधामार्फत अनुदानमामा प्राप्त एक्सट्राजेनको खोप लगाइनेछ ।
फुङ्लिङ नगरपालिका, पाथीभरा याङ्बरक गाउँपालिका, आठराई त्रिवेणी र मैवाखोलाका खोप केन्द्रमार्फत १६, १७ र १८ भदौमा यसअघि कोभिडसिल्डको पहिलो मात्रा लगाएकालाइ एक्सट्राजेनको खोप दिइनेछ ।
यस्तै, फक्ताङ्लुङ गाउँपालिका, सिदिङ्वा, सिरिजंगा, मेरिङ्देन र मिक्वाखोलामा १८, १९ र २० भदौमा एक्सट्राजेनको खोप दिइने कार्यक्रम तय भएको स्वास्थ्य कार्यालय ताप्लेजुङका प्रमुख राजकुमार पोखरेलले जानकारी दिए ।
यस्तै, साउनको दोस्रो साता भेरोसिलविरुद्धको पहिलो खोप लगाएकालाई १९ देखि २२ भदौभित्र दोस्रो मात्रा उपलब्ध गराइने भएको छ । यसअन्तर्गत १९ र २० भदौमा फुङ्लिङ नगरपालिका, पाथीभरा याङ्बरक गाउँपालिका, आठराई त्रिवेणी र मैवाखोलाका खोप केन्द्रमार्फत भेरोसिल खोपको दोस्रो मात्रा दिइनेछ ।
फक्ताङ्लुङ गाउँपालिका, सिदिङ्वा, सिरिजंगा, मेरिङ्देन र मिक्वाखोलामा २१ र २२ भदौमा भेरोसिल खोपको दोस्रो मात्रा दिइने स्वास्थ्य कार्यालय ताप्लेजुङका खोप सुपरभाइजर दिनेश रायले बताए । तत्कालका लागि भेरोसिलविरुद्धको पहिलो मात्रा भने कसैलाई नदिइने निर्णय भएको स्वास्थ्य कार्यालयले जनाएको छ ।
ताप्लेजुङमा प्राप्त एक्सट्राजेनको खोप कोभिडसिल्डविरुद्धको पहिलो खोप लगाई दोस्रो मात्रा लगाउन बाँकी रहेकालाई बचत भएको खोपको दोस्रो मात्रासमेत मापदण्डमा तोकिएका वर्ग र प्रवेशपत्रका आधारमा परीक्षा दिने विद्यार्थीलाइ उपलब्ध गराउने निर्णय भएको स्वास्थ्य कार्यालयले जनाएको छ ।
चैत १२, २०८०
फागुन २९, २०८०
फागुन २८, २०८०
बैशाख २९, २०८१
बैशाख २४, २०८१
बैशाख २७, २०८१
बैशाख १९, २०८१
बैशाख १९, २०८१
