मंसिर १६, २०७७
कैलाली- कैलालीको गौरीगंगा नगरपालिकाले किशोरीहरूका लागि आत्मरक्षा तालिम संचालन गरेको छ ।
किशोरी तथा बालिकाहरू आफन्तबाटै यौनजन्य हिंसा तथा मानसिक दुर्व्यवहारको सिकार भइरहेको अवस्थामा त्यसको प्रतिकार गर्न नगरपालिकाले आत्मरक्षा तालिम संचालन गौरीगंगा नगर उपप्रमुख अञ्चला चौधरीले बताइन् ।
‘आत्मरक्षा तालिमले किशोरीहरूलाई शारीरिकसँगै मानसिक रूपमा समेत बलियो बनाउनेछ’, उपप्रमुख चौधरीले भनिन् ।
लैंगिक हिंसाविरुद्धको १६ दिने अभियानअन्तर्गत नगरपालिकाका विभिन्न ठाउँमा किशोरीहरूलाई आत्मरक्षा तालिम दिएको हो ।
महिला तथा किशोरीमाथि हुने हिंसाजन्य घटनामा कमी ल्याउने उद्देश्यले आत्मरक्षा तालिम संचालन गरिएको प्रशिक्षक प्रकाश चन्दले बताए ।
कार्यक्रममा सहभागी गौरीगंगा- ८ की पवन खत्रीले आत्मरक्षा तालिम निकै उपलब्धिमूलक रहेको बताइन् । ‘तालिमबाट आफ्नो सुरक्षा कसरी गर्न सकिन्छ भन्ने सिक्न पाइयो । यसले आत्मबल पनि बढेको छ’, उनले भनिन् ।
अर्की युवती सिर्जना चौधरी तालिममा सहभागी भएपछि आत्मरक्षाका धेरै तरिका सिकेको बताउँछिन् । उनी भन्छिन्, ‘यस्ता तालिमले समाजमा महिला तथा किशोरीमाथि हुने दुर्व्यवहार तथा यौनहिंसा न्यूनीकरणमा मद्दत पुग्छ ।’
चैत २४, २०८०
चैत १३, २०८०
बैशाख ०७, २०८१
बैशाख ०७, २०८१
बैशाख ०७, २०८१
बैशाख २९, २०८१
बैशाख २४, २०८१
