गुल्मी- गुल्मीको मुसिकोट नगरपालिकाको चौथो स्थापना दिवस सम्पन्न गरेको छ ।
स्थापना दिवसको अवसरमा प्रभातफेरि, मुसिकोट नगरपालिका भित्रका माबि स्तरीय वक्तृत्वकला प्रतियोगिताका साथै नगरपालिका कर्मचारीबीच मैत्रीपुर्ण भलिबल प्रतियोगिता पनि आयोजना गरिएको छ ।
नगरपालिका स्थापन भएको दिन पारेर यी कार्यक्रम आयोजना गरिएको प्रमुख प्रशासकिय अधिकृत खिमानन्द भुसालले जानकारी दिए ।
कार्यक्रम बोल्दै नगर प्रमुख सोमनाथ सापकोटाले बिगतको कार्यको समीक्षासँगै आगामी योजनाको बारेमा बताए । वक्तृत्वकला प्रतियोगितामा नगरभित्रका ९ बिद्यालयको सहभागिता थियो ।