दैलेख– दैलेखमा रहेका ११ वटा पालिकाका ९० वडामा एकै दिन एमालेले वडा अधिवेशन सम्पन्न गरेको छ । सबै वडामा सर्वसम्मत नेतृत्व चयन भएको एमाले दैलेखका अध्यक्ष एवं प्रतिनिधिसभा सदस्य रवीन्द्रराज शर्माले बताए ।

निर्वाचनका लागि ९० वटै वडामा प्रतिनिधि खटाइएको थियो । दैलेखबाट १२ हजार सक्रिय संगठित सदस्यले एमालेमा आबद्धताका लागि प्रक्रिया अगाडि बढाएको र सोहीअनुसार वडा अधिवेशन सम्पन्न भएको शर्माले जानकारी दिए ।