असोज ०४, २०७७
इलाम - माई नगरपालिकाले कोरोना भाइरस नियन्त्रणमा ४८ लाख ५० हजार खर्च भएको विवरण सार्वजनिक गरेको छ । नगरपालिकाको यो खर्च असार मसान्तसम्मको हो ।
कोरोना संक्रमणपछि समस्यामा परेका २३ सय घरपरिवारलाई २५ लाख बराबरको राहत वितरण गरिएको नगरपालिकाले जनाएको छ ।
विपन्न नगरवासीलाई दैनिक उपभोग्य सामग्री दाल, चामल, तेल, नुन, साबुन र चिनी बाँडिएको थियो ।
नगरपालिकाले बाहिरबाट आउनेलाई राख्ने क्वारेन्टाइनमा ६५ वटा शैया खरिद गर्न १२ लाख खर्च गरेको छ । अहिले अस्थायी शैया थपेर नगरपालिकामा एक शैयाको क्वारेन्टाइन तयारी अवस्थामा रहेको बताइएको छ ।
क्वारेन्टाइनमा बस्ने र सुरक्षाका लागि खटिने सुरक्षाकर्मीलाई खाना र खाजा गरी ७ लाख खर्च भएको छ । बाहिरबाट आएकालाई नगरपालिकामा ल्याउन सवारी भाडाबापत ३ लाख खर्च भएको छ ।
महामारीको विषयमा जनचेतना जगाउन प्रचार–प्रसार, मास्क वितरणमा १ लाख ५० हजार खचिएको नगरपालिकालका लेखा अधिकृत क्षेत्रनाथ शर्माले जानकारी दिए ।
महामारी नियन्त्रण गर्न नगरपालिकाले प्रकोप विपद् व्यवस्थापन कोषको ५० लाख र प्रदेशबाट प्राप्त १० लाख खर्च गरेको छ ।
महामारीको समय रोजगारीका लागि नगरपालिका बाहिर गएर कमाइरहेका समूहले राहतमा सहयोग गरेका थिए । यसमा ७० हजार नगदसहित दैनिक उपभोग्य वस्तु नगरपालिकामार्फत वितरण गरिएको छ ।
बैशाख १९, २०८१
चैत ०६, २०८०
फागुन ३०, २०८०
बैशाख २९, २०८१
बैशाख २७, २०८१
बैशाख २४, २०८१
बैशाख १९, २०८१
बैशाख १९, २०८१
