दैलेख–आगामी ३० वैशाखमा स्थानीय तह निर्वाचनको मिति तोकिएपछि दैलेख जिल्ला सुरक्षा समितिले नागरिकलाई निर्वाचनप्रति जागरुक बनाउने अभियान थालेको छ ।
अभियानअन्तर्गत दैलखका प्रमुख जिल्ला अधिकारी हरि प्याकुरेल नेतृत्वको टोलीले भैरवी गाउँपालिकाका विभिन्न स्थानमा पुगेर नागरिकलाई ढुक्कसँग मतदान गर्न र शान्ति–सुरक्षा प्रत्याभूति दिइने बताएको छ ।
टोलीले मतदान स्थलको अवस्था, भौतिक संरचना थप गर्नुपर्ने, कार्यसुरक्षा अवस्थालगायत विषयमा अध्यन गरी नागरिकलाई निर्वाचनप्रति जागरुक गराइएको जिल्ला प्रहरी कार्यालय दैलेखका प्रहरी प्रमुख (डिएसपी) भुवनेश्वरप्रसाद साहले बताए ।
उनका अनुसार जिल्लाको शान्ति–सुरक्षामा प्रभाव पार्ने विषय पहिचान गरी आवश्यक रणनीति तयार गर्ने उद्देश्यसहित सुरक्षा समितिको टोलीले गाउँगाउँमा अनुगमन सुरु गरेको हो । अनुगमन गरिएका क्षेत्रका मतदान स्थल सुरक्षाका दृष्टिकोणले सबै सुरक्षित रहेको साहले बताए ।