नवलपुर– पूर्वी नवलपरासीको कावासोती नगरपालिकाले कोरोना संक्रमणका कारण ज्यान गुमाएका परिवारलाई ५० हजार रुपैयाँ दिने भएको छ । कावासोती नगर उपप्रमुख प्रेमशंकर मर्दनियाले नगरभित्र कोराना संक्रमणले ज्यान गुमाएका व्यक्तिका परिवारलाई सहयोगस्वरूप प्रतिपरिवार ५० हजार रुपैयाँ दिने निर्णय भएको जानकारी दिए ।

 
यो रकम दसैंलगत्तै वितरण गरिने उनले बताए । कावासोतीभित्र गत १९ महिने अवधिमा ५५ जनाको कोरोना संक्रमणबाट ज्यान गएको छ ।