चैत १२, २०८०
कात्तिक २३, २०७७
रुपन्देही - लुम्बिनी प्रदेशका सामाजिक विकासमन्त्री सुदर्शन बरालले विज्ञान र प्रविधिमा दक्ष जनशक्ति उत्पादन नभएसम्म समाजवाद आउँदैन । त्यसका लागि गुणस्तरीय शिक्षा आवश्यक रहेको बताएका छन् । स्याङ्जाको कालीगण्डकी गाउँपालिका वडा- २ अर्बेनी बिसौनास्थित दभौखानी माविको चार कोठे पक्की भवनकाे शिलान्यास गर्न पुगेका लुम्बिनी प्रदेशका मन्त्री बरालले यस्ताे बताएका हुन् ।
आफनै निर्वाचन क्षेत्रमा रहेको उक्त विद्यालय भवन निर्माण कार्यक्रममा मन्त्री बरालले गुणस्तरलाई ध्यान दिई समयमै निर्माण सम्पन्न गर्न निर्देशन दिए । बरालले गुणस्तरीय शिक्षाका लागि कोरोना कालमा पनि वैकल्पिक विधिबाट शिक्षण कार्यलाई निरन्तरता दिइँदै आएको बताए ।
प्रदेश सरकारले छात्रालाई उच्च शिक्षामा मासिक छात्रवृत्ति व्यवस्था गरेपछि उच्च शिक्षा लिनेको संख्या वृद्धि भएको र विज्ञान र गणित विषयको नतिजाको समेत सुधार भएको मन्त्री बरालले दाबी गरे ।
विद्यालय उद्घाटनमा गएका मन्त्री बरालले छापचौरमा सम्पन एक घर एक धारा खानेपानी आयोजनाको उद्घाटनसमेत गर्न भ्याए ।
बरालले चन्द्रकोट गाउँपालिकाको हरेवामा एक घर एक धारा खानेपानीको उद्घाटन, शान्तिपुर कभर्ड हल निरीक्षण, सत्यवती गाउँपालिकामा निर्माण गरिन लागेका विभिन्न आयोजना शिलान्यास गरेका छन्।
चैत १९, २०८०
चैत १९, २०८०
चैत २२, २०८०
चैत १८, २०८०
