मंसिर ०४, २०७७
धनुषा - कोरोना महामारीका कारण गत ११ चैतदेखि बन्द भएको नेपाल-भारत सीमा नाका खोल्न माग गर्दै धनुषामा अनिश्चितकालीन धर्ना सुरु भएको छ । नेपाल-भारत खुला सीमा संवाद समूहको आयोजनामा धनुषाको विदेह नगरपालिका वडा-२ दुहबी टोलमा स्थानीयले दुईघन्टे अनिश्चितकालीन दुई घन्टे धर्ना सुरु गरेका हुन् ।
धर्नाको पहिलो दिन प्रदेश २ का प्रदेशसभा सदस्य राम आशीष यादवले नेपाल-भारतको धनुषा नाका तत्काल खोल्नुपर्ने बताए । धर्ना स्थल विदेह नगरपालिकाको वडा- २ पुगेका नेता यादवले सधैंको बन्दले स्थानीयलाई असहज भएकाले सीमा खोल्नुपर्ने स्थानीयको मागमा ऐक्यबद्धता जनाए ।
‘कोरोनाले जनजीवन असहज भए पनि धनुषा, महोत्तरीलगायतका सीमा नाका लामो समयसम्म के कारणले बन्द गरिएको हो भन्ने जवाफ संघीय सरकारले दिनैपर्छ’, जसपा नेता विमलदेव विराजी भने ।
धर्नाको अगुवाइ जसपाका केन्द्रीय सदस्य राजीव झाले गरेका छन् । झा नेपाल-भारत खुला सीमा संवाद समूहका संयोजकसमेत हुन् ।
संक्रमण बढ्न नदिन संघीय सरकारले हाल धनुषा र महोत्तरीको भारतीय सीमा नाका बन्द गरेको छ । बन्द नाकाबाट अहिले पैदल यात्री आउजाउ गरे पनि सवारीसाधन चलेका छैनन्।
धनुषाको नगराइन नगरपालिकाको जटही नाका र विदेहको दुहवी गोवराही नाकामा सवारी साधन चलेका छैनन् ।
चैत २४, २०८०
चैत १३, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
