चैत १२, २०८०
माघ १७, २०७७
खोटाङ- खोटाङको केपिलासगढी गाउँपालिका वडा नम्बर ४ बाक्सिला र केपिलासगढी गाउँपालिका वडा नम्बर ७ सुँदेलको बोबु जोड्ने सडक निर्माण सुरु भएको छ ।
खोटाङ, भोजपुर, सोलु र संखुवासभाको बीचमा रहेको धार्मिक तथा पर्यटकीय स्थल साल्पापोखरी जोड्ने गरी केपिलासगढीले बाक्सिलादेखि सुँदेलको बोबु जोड्ने सडक निर्माण सुरु गरेको हो ।
३० लाख रुपैयाँमा ३ किलोमिटर सडक विस्तार गर्ने गरी निर्माण सुरु गरिएको केपिलासगढी गाउँपालिका अध्यक्ष कृष्णकुमार राईले बताए ।
केपिलासगढी हुँदै साल्पापोखरी पुग्ने सडक अभाव भइरहेको अवस्थामा बाक्सिला–बोबु सडक निर्माण सुरु गरिएको गाउँपालिकाले जनाएको छ ।
उपभोक्ता समितिमार्फत १३ माघदेखि सडक निर्माण सुरु गरिएको हो । यो सडकलाई क्रमशः विस्तार गर्दै साल्पापोखरीतर्फ लगिने गाउँपालिका अध्यक्ष राईले बताए ।
निर्माणाधीन सडक गाउँपालिका अध्यक्ष राई, उपाध्यक्ष हीरादेवी वन, प्रमुख प्रशासकीय अधिकृत छविलाल राईलगायतको टोलीले निरीक्षण गरेको छ ।
पूर्वी पहाडका ४ जिल्लाको पर्यटन प्रवद्र्धनका लागि परिकल्पना गरिएको मुन्धुम ट्रेलको करिब ४८ किलोमिटर खण्ड केपिलासगढीभित्र पर्छ ।
साल्पापोखरी पुग्न केपिलासगढीको भू-भाग पार गर्नुपर्ने भएकाले पनि सडक विस्तारको काम थालिएको हो ।
‘सडकले बाक्सिला र सुँदेललाई जोड्नेछ । साल्पापोखरी जान सहज बाटो खुल्नेछ,’ गाउँपालिका अध्यक्ष राईले भने, ‘साल्पापोखरीको पर्यटन प्रवर्द्धनका लागिसमेत यो सडकलाई उपयोगी बनाउने हाम्रो लक्ष्य छ ।’
चैत १९, २०८०
चैत १९, २०८०
चैत २२, २०८०
चैत १८, २०८०
