१) जुम्लाको चन्दननाथ नगरपालिकाद्वारा होम आइसोलेसनमा बसेका कोरोना संक्रमितलाई पौष्टिक आहारा र स्वास्थ्य सामग्री वितरण, स्थानीयलाई स्वास्थ्य सतर्कता अपनाउन पालिकाको आग्रह ।
२) जाजरकोटको भेरी नगरपालिकाद्वारा जनप्रतिनिधी, शिक्षक र कर्मचारीको दुई दिनको तलब विपद् व्यवस्थापन कोषमा जम्मा गर्ने निर्णय, जिल्लामा १५ जेठसम्म निषेधाज्ञा थपियो ।
३) म्याग्दीको बेनी अस्पतालमा अक्सिजन बैंक स्थापना, कोरोना संक्रमितको उपचारका लागि सबै पालिकाले स्थापना गरे आइसोलेसन कक्ष ।
४) स्याङ्जाको अर्जुनचौपारी गाउँपालिकाद्वारा कोरोना संक्रमितलाई घरघरमा पुगेर आयुर्वेदिक औषधी वितरण गर्न सुरु, कोरोना नियन्त्रणका लागि जनप्रतिनिधि पनि सक्रिय ।
५) सिन्धुलीको सुनकोशी गाउँपालिकाले अस्थायी कोभिड अस्पतालका लागि करारमा प्राविधिक कर्मचारी नियुक्त गर्ने, इच्छुकले १५ दिनभित्र पालिकामा सम्पर्क गर्नुपर्ने ।
६) कोरोना संक्रमितलाई अस्पतालमा पु¥याउन साधन अभाव भएपछि स्थानीय तहका जनप्रतिनिधिले प्रयोग गर्दै आएका सरकारी गाडी धमाधम एम्बुलेन्स बनाइँदै, पाल्पाको माथागढी गाउँपालिकाका अध्यक्ष सन्तोष थापा मगरले चढ्ने सरकारी गाडी बिरामी बोक्न प्रयोग ।
७) कोरोना संक्रमणको जोखिम बढेपछि सिन्धुलीको गोलन्जोर गाउँपालिकाद्वारा एक साताका लागि अत्यावश्यकबाहेकका सबै सेवा बन्द गर्ने निर्णय, नागरिकलाई स्वास्थ्य सतर्कता अपनाउन पालिकाको आग्रह ।
८) काभ्रेको पाँचखाल नगरपालिका ९ र ११ वडाका किसानलाई नगरपालिकाद्वारा हाते ट्रयाक्टर वितरण, अनुदानमा ट्रयाक्टर पाउँदा किसान दंग ।
९) गुलाब सहकारी संस्थाद्वारा रूपन्देहीको सैनामैना नगरपालिकाले सञ्चालन गरेको कोभिड अस्पताललाई स्वास्थ्य सामाग्री खरिद गर्न १ लाख ३० हजार रुपैयाँ हस्तान्तरण, नगरपालिका कोरोना अस्पतालको स्तरोन्नति गर्दै ।
१०) नगर क्षेत्रमा कोरोना संक्रमितको संख्या बढ्न थालेपछि तनहुँको व्यास नगरपालिकाद्वारा अत्यावश्यकबाहेकका सेवा १० जेठसम्म बन्द गर्ने निर्णय, पालिकाले आइसोलेसन कक्ष पनि बनायो ।
११) इलाम नगरपालिकाका नगरप्रमुख महेश बस्नेतलाई कोरोना संक्रमण पुष्टि, होम आइसोलेसनमा बसे बस्नेत ।
१२) स्याङ्जाको भीरकोट नगरपालिकाको कोभिड–१९ व्यवस्थापन समितिको भर्चुअल बैठक सम्पन्न, बैठक कोरोना नियन्त्रण केन्द्रित ।
१३) रूपन्देहीको सियारी गाउँपालिकाले कृषकहरूलाई ५० प्रतिशत अनुदानमा धानको बिउ दिने, वडामा रहेका कृषि सहकारी संस्थामार्फत बिउ वितरण गर्न सुरु ।
१४) सल्यानको कुमाख गाउँपालिकाद्वारा जनताको घरदैलोमा पुगेर स्वाब संकलन गर्न सुरु, पिसिआर र एन्टिजेन परीक्षण गरिने ।
१५) अक्सिजन प्लान्ट स्थापना र अक्सिजन सिलिन्डरका लागि कैलालीको धनगढी उपमहानगरपालिकाले स्थापना गरेको मेयर कल्याणकारी कोषमा रकम जम्मा हुने क्रम बढ्यो, स्थानीय र संघ–संस्थाले कोषमा रकम सहयोग गर्दै ।
१६ ) काठमाडौंको चन्द्रागिरि नगरपालिकाद्वारा ३ नम्बर वडाको नवनिर्मित भवनमा अक्सिजनसहितको कोभिड आइसोलेसन होल्डिङ सेन्टर स्थापना, संक्रमितलाई हुने भो सहज ।
१७) काभ्रेको पनौती नगरपालिकाद्वारा कोरोनाको लक्षण देखिएकाहरूको स्वाब संकलन गर्न सुरु, कोरोना नियन्त्रणका लागि जनप्रतिनिधि पनि सक्रिय ।
१८) डोटीको बडिकेदार गाउँपालिकाले कोरोना संक्रमितलाई गाउँमै उपचार गर्न थाल्यो, संक्रमितलाई उपचारका लागि जिल्लाबाहिर लैजानुपर्ने समस्या समाधान ।
१९) कोरोना संक्रमित भई होम आइसोलेसनमा बसेकालाई घरमै पुगेर स्वास्थ्य सामग्री वितरण गर्दै सप्तरीको सप्तकोशी नगरपालिका, जिल्लामा पछिल्लो समय संक्रमित बढ्दै ।
२०) काठमाडौं महानगरपालिकालाई चीनको ल्हासा नगरद्वारा चार थान भेन्टिलेटर प्रदान, कोरोना संक्रमितलाई सहज उपचार सेवाका लागि महानगरद्वारा काठमाडौंका तीन वटा अस्पतालसँग सहयोग सम्झौता ।