फागुन २२, २०७७
प्युठान–घरेलु तथा साना उद्योग विकास समिति प्युठानले जिल्ला कारागारमा रहेका कैदीबन्दीलाई विद्युत् जडानसम्बन्धी सीप सिकाउन थालेको छ ।
जिल्ला कारागार प्युठानको सहकार्यमा कैद भुक्तान सकिन लागेका १५ जना कैदीबन्दीलाई स्वरोजगार बनाउने उद्देश्यले विद्युत् जडानसम्बन्धी सीप सिकाउन थालिएको हो ।
प्रमुख जिल्ला अधिकारी खिमराज भुसालले कैद भुक्तान गरेर घर फर्कंदा सीप लिएर जाँदा सहज होस् भन्ने उद्देश्यले तालिम सञ्चालन गरिएको बताए । सहभागीलाई तालिममा सिकेका सीप व्यवहारमा प्रयोग गरेर आत्मनिर्भर हुन सुझाए ।
अहिले कैद भुक्तान गरिरहेकामध्ये अवधि सकिन लागेका तथा कम कैद समय तोकिएका १५ जना पुरुष तालिमका लागि छनोट गरिएको जिल्ला कारागार प्रमुख सूर्यबहादुर पन्तले जानकारी दिए ।
उनका अनुसार १८ देखि ४० वर्ष उमेर समूहका दलित, जनजाति तथा युवालाई प्राथमिकता दिइएको छ । २ लाख रुपैयाँ लागतमा १ महिने तालिम आयोजना गरिएको घरेलु तथा साना उद्योग कार्यालय प्युठानका प्रमुख खेमबहादुर थापाले बताए ।
फागुन २९, २०८०
फागुन ११, २०८०
माघ २५, २०८०
चैत १९, २०८०
चैत १९, २०८०
चैत २२, २०८०
चैत १८, २०८०
