चैत १९, २०८०
साउन २२, २०७८
हुम्ला– पर्यटकीय सिजनमा आन्तरिक तथा बाह्य मानिसको बाक्लो चहलपहल हुने चीनसँग नाका जोडिएको नाम्खा गाउँपालिकाको हिल्सा कोरोना महामारीका कारण दुई वर्षयता सुनसान बनेको छ । पर्यटकीय सिजनमा धेरै भीडभाड हुने हिल्साका होटल बन्द छन् भने पर्यटक आगमन ठप्प छ ।
कोरोनाका कारण चीनसँगको सीमा नाका बन्द हुँदा मानसरोवर कैलाश दर्शन गर्ने तीर्थालु र आन्तरिक पर्यटक नआएपछि हिल्सा बजार बन्दजस्तै देखिएको हो ।
होटल व्यवसायी कर्मा लामा दुई वर्षदेखि हिल्सा नाका सुनसान हुँदै आएको बताउँछन् । नाकाबाट आन्तरिक र बाह्य गरी १५ हजारसम्म पर्यटकले मानसरोवर कैलाशको दर्शन गर्दा गुल्जार हुने गरेको थियो । तर, दुई वर्षयता पर्यटक आउन बन्द भएपछि हिल्सा बजार सुनसान हुँदै गएको उनको भनाइ छ ।
‘हिल्साको हेलिप्याडबाट चीनको सिामानासम्म पर्यटक, भरिया र अन्य मानिसको आउजाउ बिहान ६ बाट बेलुकी ६ बजेसम्म हुने गथ्र्यो । तर, अहिले त्यो सपनाजस्तो भएको छ । कोरोनाले धेरैको रोजगारी खोसेको छ’, लामा भन्छन् ।
हिल्सामा मात्र डेढ सय भरियाले काम पाउँदै आएका थिए । मानसरोवर कैलाश दर्शन गर्ने भारतीय पर्यटकको चाप बढेपछि होटलले नथेगेर व्यक्तिका घर–घर लामाले विगत सम्झिए ।
पर्यटक आगमन नहुँदा हिल्सामा पर्यटक लक्षित सात वटा होटल बन्द भएका छन् । पर्यटनका पिक सिजनमा सीमकोटबाट हिल्साका लागि मात्रै १० वटा हेलिकोप्टरले डेढ सय उडान भर्ने गरेका थिए ।
त्यो अवधिमा होटल व्यवसायीले ४ करोड रुपैयाँको कारोबार गर्ने गरेका थिए । गत वर्ष कोरोना महामारी सुरु भएपछि हालसम्म हिल्साका अधिकांश होटल र घरसमेत बन्द रहँदै आएका छन् ।
चैत १९, २०८०
चैत १९, २०८०
चैत २२, २०८०
चैत १८, २०८०
